يوم لكل عضو... نعبر فيه عن حبنا له

[Emilio00o]

من منطلق الكلمة الجميلة والحب الاخوي بين الأعضاء

ومن منطلق الانتقاد بكلمة جميلة نبدأ اولى حلقاتنا في موضوعنا الشيق

يومين لكل عضو... نعبر فيه عن حبنا له*

و نعبر له عن معزته وحبه ومكااانته فـ قلوبنا .. وفـ المنتدى خاصة

بـ أي شكل كان .. بـ مدح العضو

او انتقاده ولكن يكون انتقاد غير جارح..

بـ أي طريقة تعجبكم ...!


هناك بعض الشروط

1- يرجى من الجميع عدم تجريح اي عضو لأن سوف يتم حذف رده مباشرة

2- كل عضو يضع رده في ختام كل رد يرشح عضو ليكون نجم الحلقة التالية

3- نتمنى ان تكون الكلمة صادقة وسيقوم العضو المرشح بالرد على جميع الأعضاء

وشكرا

[marykemo]

أنا موافقة على الاقتراح الجميل دة بس نبدأ بيك انتا.

[Emilio00o]

ميرسي يامريم بس انا من راى انى احنا هنبداء بيكى يلا بقا عرفينا عليكى علشان نعملك حفله كله حبه


اخوكى ماجد

[merooo_e]

اية ياجماعة المواضوع تحفة قرارو هتبتدو بمين يلا

[Emilio00o]

قولنا مريممممممممممممممممممممممممممم

[peter thabet]

فكرة هايلة يا ماجد و جديدة كمان
ميرسى كتتتتير لتعبك


=== هذه الرسالة تلقائية ===

هذا هو أول موضوع لي في المنتدى . سوف تجد موضوع الترحيب الخاص بي هنا. الرجاء المشاركة في موضوع الترحيب الخاص بي
=== هذه الرسالة تلقائية ===

[marykemo]

انا اشكركم جميعا لإختياركم ليا علشان أكون الأولى
أنا هعرفكم بنفسى :اسمى مريم متزوجة وعندى ولدين الكبير 15 سنة وحاصلة على دبلوم تجارة خمس سنوات الثانوية التجربية و موظفة كاتبة (ادارية) باحدى المديريات الحكومية-[أحب أعرفكم كمان سبب وجودى فى المنتدى:e]انا انسانة مريضة بأمراض مزمنة من الصغر وكل يوم بتزيد الأمراض دى لحد ما أصبحت شبه عاجزة بتحرك بالعافية و فى انتظار الموت فى أى لحظة لذلك حبيت أقدم شئ من الخدمة و كان انسب شئ ليا النت لإنه بدون مجهود عضلى قررت اكون ام للمحروم من حنان الأم و أكون صديق للمحروم من الأصدقاء و أكون مصدر معرفة للمتطلع للمعرفة ، انا عندى عطاء وحب وحنان فكرت اديهم للناس قبل ما أموت يمكن حد يستفيد و يطلبلى الرحمة لإنى محتجاها جدااااااااااااااااا . وفيه ناس فهمتنى و فى ناس هاجمتنى كتير بس الهدف النبيل بيتغلب على المعوقات.
انا مش عايزة أطول عليكوا و مستنيه ردودكم ياأحبائى
]صلوا من أجل ضعفى (مريم)

[Emilio00o]

يكون معاكى مايكون عليكى

[merooo_e]

ميرسى ليكى مريم وربنا معاكى ويعينك ويقدر الخدمة بتاعتك

ويلا نختار مين التانى





مـــــــــــــــــــــــــــــــــــــــاجــــــــ ـــــــــــــــــــــــــــــــد

[marykemo]

[colorميرسى ماجد على ردك الجميل و شكرا جدا مرمر و انا معاكى عايزين ماجد عايزين ماجد]

[adel baket]

الرب قادر ان يلمسك بشفاء
صلى انتى من اجل ضعفى
الرب معاكى

[marykemo]

شكراااااااا جدا أستاذ عادل على ردك الرقيق صلوات العدرا و القديسين تكون معاكم جميعا

[YEDOM SALIBAK]

ربنا يباركك
يا بنت العدرا
ويكلل تعبك فى الامجاد
لى الحياة هى المسيح
**يدوم صليبك

[loltota]

مريم انتى رمز جميل للخدمه
و ياريت نتعلم منك ان ربنا بيستعمل كل واحد فينا لخدمته
شكرا ليكى مريم و ربنا يعوضك

[marykemo]

شكرااااااا بيشوى على ردك الجميل ربنا يبارك حياتك .

[رانيا بنت المسيح]

حلوة قوى الفكرة مشابهة لفكرة كرسى الاعتراف

[رانيا بنت المسيح]

ربنا معاكى يا تسونى مريم ويشفيكى بصلوات القديسين

[marykemo]

شكراااااا جدا يوستينا على ردك الجميل & و ميرسى جدا رانيا على لقب تسونى انا مستحقوش شكرا لشعورك ميرسى بناتى ربنا معاكم .

[Emilio00o]

يلا ياجماعه هنختار بيبو يلا يابيبو عرفنا بيك علشان عايزن نعملك حفله جامده

[marykemo]

احنا قلنا اللى بعدى مااااااااااااجد و بعدين يبقى بيبو يللا يا متر انتا صاحب الاقتراح ولازم تنفذة بلييييييييز . مع تحياتى مريم

[marykemo]

احنا مش قلنا اللى بعدى ماااااااااااااجد و بعد كدة يبقى بيبو ياللا يا متر انتا صاحب الاقتراح ولازم تنفذة بليز بقى

[Emilio00o]

مفيش مشكلة يا جماعة
انا ماجد 27 سنة خريج لسانس حقوق وبشتغل الحمد لله مش مرتبط حتى الان او يعنى ربنا يسهل كدة لتكن مشيئتة وانا من القاهرة بحب الكومبيوتر والنت كتير جدا والكتابات والقراءة
وميرسى جدا ليكو لانكم رشحتونى ويلا يابيبو عرفنا بيك

[marykemo]

ميرسى يا متر ماجد على تعريفنا بنفسك و ربنا يبعتلك عروسة تستاهلك وتستاهلها و ويخليلنا مواضيعك الجريئة و الغريبة ربنا يوفقك .مع تحياتى مريم
ياللا بقى يا بيبووووووو انتا اللى عليك الدور يا عمونا.

[merooo_e]

بيبو مردتش وبعدين الموضوع وقف طيب نختار حد تانى

[مارينا القس يوليوس]

هتختاروا مين ياجماعة

[نونا]

مرسي ماجد على الموضوع الجميل
ونختار مرمر
ايه رايكم

[bebo_1]

سورى يا جماعه انا اسف للتآخير اذا كنتو تقصدونى انا
بس فى الاول بطلب طلب من كل الاخوه والاخوات ان نصلى
لاختنه الغاليه مريم ونولع لها شمعه ونطلب لها الشفاء
من شفيعى وحبيبى البابا كيرلس لانى هو سريع الحضور
اختى الغاليه صلوات كل القديسين معاكى وانتى رمز لقوة الاراده
والعزيمه والتحدى الرب يباركك ويشفيكى اميييييييييييييييين
انا اسمى بهجت موظف وعندى ثلاث بنات وولد
ووالد نونا طبعآ وهى الكبيره وحاصله على دبلوم
وعندى 42 سنه وهوايتى القراءه والنت
صلو من اجل ضعفى
ربنا معاكم كوووووووولكم امييييييين

[مارينا القس يوليوس]

ميرسي علي الفكرة جميلة جدا
يلا نشوف هنختار مين

[sosa soso]

انا اختار نوناااااااااااااااااااااااااااااا

[نونا]

اولآ الف الف مليون سلامه على حبيبتنا كلنا ماما مريم
بجد انتى مثال حى للخادم الحقيقى والانسانيه
ربنا يخليكى ويعطيكى الف صحه ويشفيكى ربنا بشفاعة جميع قديسيه امييييين يارب
ثانيآ ميرسي ريموندا يا قمر على اختيارك ليا
انا نونا من سوهاج 21 سنه حاصله على دبلوم تجاره
وده خبر جديد يا جماعه انى هدرس كمبيوتر ودين ومتستغربوش علشان انا دبلوم ومش ينفع ادرس فى مدارس حكوميه
انا هدرس فى مدرسه خاصه
وخادمه فى الكنيسه صم وبكم وكشافه
ميرسي كتير وانا هختار ريموندا:sweet_kiss:

[مارى صبحى]

مريم انتى انسانة جميلة اوى يابختك ربنا دايما بيفتكرك وتجاربو حلوة اوووى بجد ربنا يكون معاكى ومش تكونى حزينى بالعكس انا عاوزاكى تكون دايما مبسوطة مع:p26::p26: المسيح خالى بالك من نفسك مريوما