البحث

اللي يحب ورده هيسقيها لكن!!!!!

16-06-2014 19:13


واحد اتفق مع صاحبه انه هيشتري موبايله وهيديله فلوسه اول الشهر

صاحبنا وافق وقاله امين

المهم الولد اللي هيشتري الموبايل كل يوم يجي ياخد التليفون من صاحبه ويقوله هات العب جيم .. ماهو كده كده يعتبر بتاعي

وطبعا الولد علشان البيعه متبوظش كان بيديله يلعب وميقلوش حاجه

لحد ماجه اول الشهر وصاحبنا بيقوله ها فين الفلوس !!

فقاله موبايلك امكنياته عجبتني فإشتريت واحد جديد علي طول



نفس الموضوع مع كامل احترامي لفارق التشبية

لما ولد يتعرف علي بنت ويقعد يقولها انا بحبك انتي هتكوني مراتي ومش هتخلى عنك ابدا .. يومين تلاته اسبوعين تلاته شهرين تلاته ويقولها شغليلي الكاميرا ونتكلم

والكلام يجر كلام يجر فعل بسيط ثم يجر فعل +18 ..



" يمارس الجنس عن طريق الأنترنت والمكالمات الليلية .. والفتاة الساذجة تخشي ان ترفض حتي لا يتركها بعد ان وقعت في حبه "



تعرفي ان في مرة واحد عمل لحبيبته ( علي حد قوله انها حبيبته ) وهي بتكلمه برنت اسكرين لصورة للبسها اللي كانت لبساه .. لبس بيت بقي وكده ..

وكل لما يطلب منها انه يشوفها بالصورة اللي ترضي غريزته وترفض .. فيقوم يهددها بالصورة اللي خدهالها من غير ماتاخد بالها



متسبوش نفسكم فريسه بين اسنان ابليس علشان مش هيرحمكم

حتي لو هددك وقالك وحياة حبنا .. يبقي انتي مبتحبنيش والكلام الفاضي ده

قوليله حبك برص .. اللي عايزك هيحترمك مش هيقلل منك

عجبتني مقوله بتقول اللي يحب ورده هيسقيها لكن اللي هيعجب بورده هيقطفها ويمشي يشمشم فيها ..



اللي يحاول يقطفك شوكيه .. علشان ماتتشوكيش من نظرات الناس ليكي بعد كده



مايكل سامي





تعليقات القراء
اخبار مثبتة
اخبار مثبتة
اخبار مثبتة

اتصل بنا صفحتنا على الفيس بوك خدمة ار اس اس ليصلك كل جديد تابعنا على اليوتيوب